Müdafiə Qüvvələrinin qüdrəti, düşmən üzərində təşəbbüsü ələ keçirməsi və hücum hərəkətlərinin yerləşdirilməsi üç əsas məqamdan asılıdır.

“İki sahil” “RBK-Ukraina”ya istinadla xəbər verir ki, bu barədə Volodimir Zelenski baş katib Yens Stoltenberqlə birgə mətbuat konfransı zamanı bildirib.

Ukrayna prezidenti üç əsas məqamı qeyd edib: tərəfdaşlardan, o cümlədən Amerika Birləşmiş Ştatlarından (ABŞ) maliyyə dəstəyinin təsdiqi, Ukraynaya vaxtında silah tədarükü, Müdafiə Qüvvələrinə “xüsusi” silahların verilməsi;

“İnanıram ki, çox çətin olan birinci bənd tamamlandı, bir paket var, bu o deməkdir ki, biz bu pula arxalana bilərik”, deyə Zelenski bildirib.

Zelenskinin sözlərinə görə, indiyədək ikinci bənddə (vaxtında çatdırılma) heç bir müsbət nəticə görməyib,  bu prosesi sürətləndirmək vacibdir.

O, xatırladıb ki, üçüncü məqam, ən vacibidir.