Kiyev səfərbərliyin daha üç mərhələsini həyata keçirməyincə, ABŞ-ın hərbi yardımı Ukrayna Silahlı Qüvvələrinin döyüş meydanındakı mövqeyini xilas etməyəcək.

“İki sahil” TASS-a istinadla xəbər verir ki, bu fikri hərbi ekspert, Londonda Britaniya Kral Birləşmiş Müdafiə Araşdırmaları İnstitutunun baş elmi işçisi Cek Uotlinq “Foreign Affairs” jurnalında dərc olunmuş məqaləsində bildirib.

“(Amerikanın) Yardım paketi Ukraynanın (cəbhədəki) problemlərini həll etməyəcək. Ukrayna daha çox insanı səfərbər etməli, onların təlim sistemini təkmilləşdirməli və yeni qoşunları lazımi şəkildə təchiz etməli olacaq", - deyə ekspert qeyd edib.

Bundan əlavə, Ukrayna hərbi rəhbərliyinin qarşısında Ukrayna Silahlı Qüvvələrinin şəxsi heyətinin cəbhə xəttində rotasiyası dərhal təmin edilməklə “üç mərhələdə səfərbərlik həyata keçirmək” vəzifəsi qoyulacaq.

“Bu problemlər həll oluna bilər, lakin Ukrayna payıza qədər ehtiyac duyduğu qüvvələri toplamaq istəyirsə, bunu dərhal etmək lazımdır”, - deyə o vurğulayıb və yalnız bunlar həyata keçirildikdən sonra Kiyevin döyüş meydanında təşəbbüsü ələ keçirmək şansının olacağını bildirib.